داند أو '' بيـــــبي ''مشرمل ومحمر
مقادير الشرمولة
بصلة كبيرة محكوكة +2دروس كبار ديال التوم محكوكين
الملح+البزار+سكينجبير+التحمرة+السودانية+ال كمون
زيت الزيتون+قطرات ديال الحامض باش يفتيه
ونخليكم مع الصور توضح
نشرملو الداند مزيان
ونحاولو ندخلو الشرمولة مابين الجلد واللحم
نخليوه يبات فالشرمولة ديالو الليلة كاملة
حيت كلنا كانعرفو بلي الداند باسل
لهدا يلا خليناه مرقد مدة طويلة كايجي بنين
ناخد بصلة كبيرة نشحرها فالزيت
نضيفلها الملح والبزار
ونحط عليها الداند يتقلا شوية ويطلق المرق ديالو فالبصلة
ونقلبوع علا جميع الجهات
ونزولوه من على البصلة ونديروه فصينية تدخل للفرن
ونعمروه بالزيتون يلا كان متوفر باش يعطي بنة اكتر
وبصيلات صغار
ونقلبوه على صدرو باش يتشرب المرق ويجي لديد
ونضيفولو كاس ديال الما ونعطيوه بالالومينيوم وندخلوه للفرن على نار مهيييلة
حتا يقرب يطيب نخرجوه ندهنوه بالزبدة ونزولولو لغطا ونخليوه يتحمر
ديك المرق فاش تقلا نضيفولو الشومپينيون ونخليوه حتا يطيب عاد نطفيو عليه
وبالصحة والراحة
0 التعليقات:
إرسال تعليق